Binu Vadakkencherry.comThoughts Archives

ശുഭചിന്ത: പ്രതിസന്ധികൾ നന്മയായി മാറുമ്പോൾ

December 30, 2018 / Binu Vadakkencherry

പ്രതിസന്ധികളിൽ പ്രമാണം കൈവിടാത്ത ഭക്തനെ നോക്കി ലോകം പറയും “ഇതോടെ അവന്റെ കഥ തീരും” എന്ന്, എന്നാൽ പ്രതീക്ഷയുടെ ഓരോ വാതിലുകളും അടയുമ്പോഴും ദൈവിക പ്രവർത്തിക്കായി കാത്തിരിക്കുന്ന ഭക്തന് ഒന്നറിയാം ഒരു അത്ഭുതം സംഭവിക്കും.

പ്രാർത്ഥന ജീവിതം ദിനചര്യമാക്കിയ ഭക്തന് ഇത്തരം സന്ദർഭങ്ങളിൽ പ്രാർത്ഥനക്ക് വളരെ സ്ഥാനമുണ്ട്. പ്രതിസന്ധികൾ വിശ്വാസത്തെ ആണ് പരിശോധന ചെയുന്നത്. അതിനാൽ പ്രാർഥന ഏറ്റവും തീവ്രവുമാകുന്ന സമയവും കഷ്ടതയിൽക്കൂടി കടക്കുമ്പോഴാണ്. ജീവിതയാത്രയിൽ പ്രതികൂല കാറ്റടിച്ചാലും ഉണർന്നിരിക്കുന്ന നാഥൻ പടകയിൽ ഉണ്ടെങ്കിൽ കാറ്റു ശാന്തമാകും അക്കരേക്കുള്ള യാത്ര സുഗമമാകും.

പ്രയാസമില്ലാത്ത സമയങ്ങളിലെ പ്രാർത്ഥന, പ്രയാസമുള്ള സമയങ്ങളിലെ പ്രാർത്ഥനക്കയി നമ്മെ പരിശീലിപ്പിക്കുന്നു.

“എന്നാൽ രേഖ എഴുതിയിരിക്കുന്നു എന്നു ദാനീയേൽ അറിഞ്ഞപ്പോൾ അവൻ വീട്ടിൽ ചെന്നു, അവന്റെ മാളികമുറിയുടെ കിളിവാതിൽ യെരൂശലേമിന്നു നേരെ തുറന്നിരുന്നു, താൻ മുമ്പെ ചെയ്തുവന്നതുപോലെ ദിവസം മൂന്നു പ്രാവശ്യം മുട്ടുകുത്തി തന്റെ ദൈവത്തിന്റെ സന്നിധിയിൽ പ്രാർത്ഥിച്ചു സ്തോത്രം ചെയ്തു.” (ദാനീയേൽ-6:10)

സിംഹകുഴിയിൽ ദാനീയേലിനെ വലിച്ചുകീറുന്ന രംഗംങ്ങൾ ഓർത്ത് ചുറ്റും നിന്ന് പരിഹസിച്ച ലോകത്തിന്റെ നടുവിൽ രക്ഷിക്കുന്ന ദൈവത്തെ കാണിച്ചുകൊടുക്കുവാൻ നല്ലൊരു പ്രാർത്ഥന ജീവിതം നയിക്കുന്ന ഭക്തന് മാത്രമേ സാധിക്കുകയുള്ളു.

പ്രശ്നങ്ങൾ അലറി വിളിച്ചു നമ്മുക്കെതിരെ പാഞ്ഞടുക്കുമ്പോഴും പ്രശ്നങ്ങളെ നിർജീവമാക്കി അവയുടെ വായടക്കുന്ന ഗുരുവിന്റെ സാന്നിധ്യം നാം തിരിച്ചറിയും.
പ്രശ്നങ്ങൾക്കും പ്രതികൂലങ്ങൾക്കും പ്രമാണം കയ്യിൽലുള്ളവനെ തൊടുവാൻ കഴിയുകയില്ല കാരണം നമ്മുടെ ദൈവം ഇന്നും ജീവിക്കുന്നു.

പടയാളികൾ യേശുവിനെ അന്വേഷിച്ചു വന്നപ്പോൾ,
“ഞാൻ തന്നേ എന്നു നിങ്ങളോടു പറഞ്ഞുവല്ലോ; എന്നെ ആകുന്നു തിരയുന്നതെങ്കിൽ ഇവർ പോയ്ക്കൊള്ളട്ടെ എന്നു യേശു ഉത്തരം പറഞ്ഞു” (യോഹ-18:8).

കുലത്തൊഴിലും, പടകും, പാരമ്പര്യവും വിട്ടു ഗുരുവിനെ അനുഗമിച്ച നമ്മുക്ക് പ്രതിസന്ധികൾ വരാതിരിക്കുന്നതല്ല പിന്നയോ അതിനെല്ലാം നടുവിൽ “ഇവർ പോയ്ക്കൊള്ളട്ടെ” എന്ന ഗുരുവിന്റെ വാക്കാണ് നമ്മെ നിലനിർത്തുന്നത്.

കഴിഞ്ഞ സംവത്സരം ചോദിച്ചതിലും നിനച്ചതിലും അത്യന്തപരമായി നമ്മെ നടത്തിയ നാഥന് ഒരായിരം നന്ദി കരേറ്റാം. ഇത്രത്തോളം നിലനിന്നത് ഗുരുവിന്റെ കൃപ മാത്രമായതിനാൽ ജീവിതത്തിൽ എന്ത് സംഭവിച്ചാലും എന്തിനെന്നു ചോദിക്കാതെ ദൈവിക പ്രവർത്തി കാണുവാൻ നമ്മുക്ക് ഒരുങ്ങാം.

-ബിനു വടക്കുംചേരി

(Published in Neerurava pathram, Dec 2018)

ഓൺലൈനിൽ സൗജന്യമായി “ഉപദേശിയുടെ കിണർ” വായിക്കുവാൻ Google Play Books ൽ ക്ലിക്ക് ചെയുക: https://play.google.com/store/books/details?id=VA1ADwAAQBAJ

For more visits: http://www.binuvadakkencherry.com

ചെറുചിന്ത: പ്രാണൻ നേടാൻ ക്ഷമ

December 8, 2018 / Binu Vadakkencherry

രാവിലെ പതിവുപോലെ ഞാൻ ദിനപ്രതം വായിക്കുകയായിരുന്നു. അമ്മ കൊണ്ടു വന്ന ചായയിൽ നിന്നും ആവി മുകളിലോട്ടു പോകുന്നതും നോക്കി ചായയിൽ മെല്ലെ മുത്തമിട്ടു, പത്രവായനയിൽ മുഴുകി. എന്റെ വായനാരീതിക്ക് ഒരു ശീലമുണ്ട്. ആദ്യം പത്രത്തിന്റെ ഫ്രണ്ട് പേജ് വായിച്ചു കഴിഞ്ഞാൽ പിന്നെ നേരെ ബാക്ക് പേജിൽ നിന്നും ബാക്ക്-ഇൻ. അങ്ങനെ വായിച്ചു വീണ്ടും മുന്നിൽ എത്തും.

ഞാൻ മാത്രമാണോ ഇങ്ങനെ പ്രതം വായിക്കുന്നത് എന്നറിയാൻ ശ്രമിച്ചപ്പോൾ ഇത്തരം സ്വഭാവമുള്ള വേറെയും ചിലരെ ഞാൻ കണ്ടെത്തി. നമ്മുടെ നാട്ടിൽ പതിവ് രീതിയാണ് രാവിലെ ചായയ്ക്കൊപ്പം പത്ര പത്ര വായന. വാർത്തകൾ പരത്തുന്ന ചായക്കടകളിൽ പതിനാറ് പേജുള്ള പത്രം പതിനാറു പേർ ഒരേ സമയം വായിക്കും എന്നതും ഐക്യത്തിന്റെ പ്രതീകമാണോ എന്നറിയില്ല. എന്നാൽ വിദേശികൾ ഇതിൽ നിന്നും വ്യത്യസ്ഥമാണ്. ഒരാൾ വായിക്കുകയാണെങ്കിൽ അയാളുടെ കയ്യിൽ മുഴുവൻ പേജുകളും കാണും. അത് അവരുടെ വായനയുടെ നിലവാരമാണത്രേ.

ഇങ്ങനെ പത്രവായനയിൽ മുഴുകിയിരിക്കുമ്പോൾ പെട്ടെന്ന് എന്റെ സുഹൃത്തുക്കൾ ബൈക്കിൽ ചീറിപാഞ്ഞ് പോകുന്നത് ഒരു മിന്നായം പോലെ കണ്ടു. അവർ എങ്ങോട്ടാ ഇത്ര വേഗതയിൽ? ആർക്കെങ്കിലും എന്തെങ്കിലും അപായം മറ്റും സംഭവിച്ചോ? അൽപ്പം കഴിഞ്ഞു ഞാൻ പത്രവായന നിർത്തി എഴുന്നേറ്റപ്പോൾ ഇതാ… കുറച്ചു നേരത്തെ ബൈക്കിൽ ചീറി പാഞ്ഞ അതേ സുഹൃത്തുക്കൾ രണ്ടുപേരും ബൈക്കും തള്ളികൊണ്ടു വരുന്നു.

ഇതെന്തുപറ്റി? “ബൈക്ക് പഞ്ചറായി”

വീണ്ടും ഞാൻ അവരോട് ചോദിച്ചു, വേഗത്തിൽ എങ്ങോട്ടായിരുന്നു യാത്ര? ആരെങ്കിലും ആശുപ്രതിയിൽ…?

അതിനു അവർ ചിരിച്ചുകൊണ്ട് മറുപടി പറഞ്ഞു. “ഞങ്ങൾ കോളേജിലേക്ക് പോകുന്ന വഴിയ..”

ഇങ്ങനെ പറഞ്ഞു നിൽക്കുമ്പോൾ ഇതാ നമ്മുടെ ഒരു മാഷ് വേഗത്തിൽ നടന്നുപോകുന്നു. സംസാരിക്കാൻ സമയമില്ല. ഇദ്ദേഹത്തിന്റെ പോക്ക് കണ്ടിട്ടാകണം നാട്ടുകാർ ഇയാളെ ‘വെപ്രാളം’ എന്ന് ഇരട്ടപേര് ഇട്ടതെന്നു തോന്നുന്നു.

ബൈക്കിൽ ചീറിപ്പാഞ്ഞ വിദ്യാർത്ഥികളും, ‘വെപ്രാള മാഷു’മെല്ലാം ഇന്നത്തെ ക്ഷമയില്ലാത്ത തലമുറകളുടെ ഉദാഹരണങ്ങൾ മാത്രമാണ്.

ഇന്ന് ആർക്കും ക്ഷമയില്ല. ബസ്സിൽ കയറിയാൽ സീറ്റ് കിട്ടണം. ‘Q‘ വിൽ നിൽക്കുകയാണെങ്കിൽ ആദ്യം നിൽക്കണം. എല്ലാവർക്കും തിരക്ക്… ആർക്കും ക്ഷമയോടെ കാത്തിരിക്കാൻ സമയമില്ല. മാതാപിതാക്കളുടെ വാക്കുകൾ ക്ഷമയോടെ കേൾക്കാത്ത തലമുറകൾ, ഭർത്താവിനോട് ക്ഷമയില്ല ഭാര്യയും- ഭാര്യയോടു ക്ഷമയില്ല ഭർത്താക്കന്മാരും. ആർക്കും ക്ഷമയില്ല അങ്ങനെ ക്ഷമയെന്ന വാക്ക് നവയുഗ സമൂഹത്തിൽ നിന്നും അനുദിനം അന്യപ്പെട്ടുകൊണ്ടിരിക്കുന്ന കാഴ്ച കാണാം.

പ്രശാന്ത സുന്ദരമായ പാലക്കാടിന്റെ ഗ്രാമങ്ങളിൽ കൊയ്ത്തിനായി വിളഞ്ഞ് നിൽക്കുന്ന പാടങ്ങളുടെ കാഴ്ച ആരുടേയും കണ്ണ് കുളിർപ്പിക്കുന്നതാണ്. കൃഷിക്കാരൻ തന്റെ കൃഷിയിടത്തിലെ മണ്ണ് ഉഴുത് മറിച്ച് വിതക്കുവാനായി കൃഷിയിടം ഒരുക്കി വിത്തുപാകി ഞാറാകുമ്പോൾ നട്ട് പിന്നീട് വെള്ളവും വളവും പാകത്തിന് നൽകി ക്ഷമയോടെ നല്ലൊരു കൊയ്ത്ത്തിനായി കാത്തിരിക്കും.

ഒരു കൃഷിക്കാരന്റെ വിശ്രമമില്ലാത്ത പകലുകളുടെ പ്രതിഫലമായിരിക്കും വരാൻപോകുന്ന കൊയ്ത്തുത്സവം. “കൃഷിക്കാരൻ ഭൂമിയുടെ വിലയേറിയ ഫലത്തിനു കാത്തുകൊണ്ട് മുൻമഴയും പിന്മഴയും അതിന് കിട്ടുവോളം ദീർഘക്ഷമയോടിരിക്കുന്നുവല്ലൊ. നിങ്ങളും ദീർഘ ക്ഷമയോടിരിക്കുവിൻ” (യാക്കോബ് 5:7)

ദീർഘക്ഷമയുള്ള നല്ല ഇടയനായ ദൈവം തന്റെ ജനത്തിന്റെ പ്രാണനെ തണിപ്പിക്കുന്നു. ആത്മാവിന്റെ നവഫലങ്ങളിൽ ദീർഘക്ഷമയെന്നതു ഈ കാലഘട്ടത്തിൽ നമ്മിൽ നിന്നും പുറപ്പെടേണ്ടതായ ഫലങ്ങളിൽ ഒന്നാണ്. അതെ നിങ്ങൾ ക്ഷമകൊണ്ട് നിങ്ങളുടെ പ്രാണൻ നേടും (ലൂക്കൊസ്21:19).

വാൽക്കഷണം: കോപം ഭ്രാന്തിന്റെ മറ്റൊരു ലക്ഷണമാണ്. അതിനാൽ കോപത്തെ കുതിരക്കു കടിഞ്ഞാൺ ഇടുന്നതുപോലെ നിയന്ത്രിക്കണം; ക്ഷമ കൊണ്ട് ചിലത് നേടുമ്പോൾ കോപം കൊണ്ട് നഷ്ടം മാത്രം ഉണ്ടാകുന്നു.

-ബിനു വടക്കുംചേരി

ഓൺലൈനിൽ സൗജന്യമായി "ഉപദേശിയുടെ കിണർ" വായിക്കുവാൻ Google Play Books  ൽ ക്ലിക്ക് ചെയുക: 

 ബിനു വടക്കുംചേരിയുടെ സൗജന്യ ആന്‍ഡ്രോയിട് മൊബൈല്‍ ആപ്പ് ലഭ്യമാണ് - App Link : https://goo.gl/h9eHxT 

For more visit: http://www.binuvadakkencherry.com

ചിരിയും ചിന്തയും:”സോഡിയം ക്ലോറൈഡ് അഥവാ ഉപ്പ്”

November 10, 2018 / Binu Vadakkencherry

സാധാരണ വിവാഹ വേദിയിൽ കുടുംബ ജീവിതത്തെ പറ്റി ഒത്തിരി ഉദാഹരണങ്ങൾ കേൾക്കാറുണ്ട് അതിൽ പലതും ഹാസ്യത്തിന്റെ
പിൻബലത്തോടെ സദസിനെ ആസ്വാദിപ്പിക്കുന്നതായിരിക്കും, കൂട്ടത്തിൽ നാം മുൻപ് കേട്ടിട്ടുള്ളവയും കണ്ടെക്കാം.

അതിനുള്ള പ്രധാന കാരണം, ഏറിയ പങ്കും വിവാഹ ശുശ്രുഷകൾ നിർവഹിക്കാറുള്ള പാതിരിമാർ ലഭിക്കുന്ന
വേദികളിൽ ഒരേ ഉദാഹരണങ്ങൾ പറയുന്നതുകൊണ്ടാകാം.

എന്റെ വിവാഹ നിശ്ചയ വേദിയിൽ ഞാൻ കേട്ടതും എനിക്ക് പുതുമ തോന്നിയതുമായ ഒരു ഉദാഹരണമാണ്
അനുവാചകരോട് ഞാൻ പങ്കുവെക്കുവാൻ ആഗ്രഹിക്കുന്നത് .

കുടുംബ ജീവിതം “സോഡിയം ക്ലോറൈഡ്” പോലെ ആണത്രേ, വിവരിക്കാം.

‘CH’ മായി 3 ക്ലോറിൻ (CHCl3) ചേരുമ്പോൾ “ക്ലോറോഫോം” ഉണ്ടാവുന്നു.
ക്ലോറോഫോം മറ്റുളവവരെ ‘ ബോധം കെടുത്തുന്ന’ ധർമ്മം ചെയ്യുന്നു. ഇനി, പൊട്ടിത്തെറിക്കുന്ന
‘പൊട്ടാസിയത്തിന്റെ’ കൂടെ ചേർന്നാൽ ‘ഉപ്പ്’ (KCL)ആകും. എന്നാൽ അതാകട്ടെ രുചിക്ക്‌ കാരണമായ
ഉപ്പ് അല്ലാത്തതിനാൽ ഭക്ഷണത്തിനു ഉപയോഗിക്കാറില്ല.
പക്ഷെ ക്ലോറിനിലെ ചില തന്മാത്രകൾ ഉപേക്ഷിച്ചു സോഡിയത്തിനെ സ്വീകരിച്ചാൽ അത് മറ്റുള്ളവർക്ക് രുചി
പകരുന്ന “ഉപ്പ്” (NaCl)ആയി തീരും.

വളർന്നു വന്ന വ്യത്യസ്ത സാഹചര്യങ്ങളെ കണക്കിടാതെ ഇരുവരും ഒരു ദേഹമായി തീർന്നാൽ ഉപ്പിനെപോലെ
രുചിയുള്ള കുടുംബ ജീവിതം നയിക്കാൻ ഉടയോൻ നിങ്ങളെ സഹായിക്കും എന്ന് പറഞ്ഞുകൊണ്ട് ആശംസ വാചകത്തിനു
വിരമിക്കുന്നതിനു മുൻപ് ഞങ്ങളുടെ മുഖത്ത് നോക്കി അദ്ദേഹം പറഞ്ഞു “നിങ്ങളെ നോക്കിയാൽ അറിയാം ഉപ്പിനെ പോലെയുണ്ട്”.
ഞങ്ങൾ ഇടകണ്ണിട്ട് പരസ്പരം ഒന്ന് നോക്കി….. “ഉപ്പോ …??” എന്ന് മനസ്സിൽ ചോദിച്ചു.

അനുവാചകരോട്:
ഈ ചിന്ത വായിച്ച എല്ലാ കുടുംബസ്ഥരും നിങ്ങളുടെ ഭാര്യാ/ ഭർത്താവിനെ മുഖാമുഖമായി ഒന്ന് നോക്കി
ഉപ്പിന്റെ മുഖഛായ ഉണ്ടോ എന്ന് പരിശോധിക്കുക. മുഖഛായ കണ്ടെത്തുവാൻ കഴിഞ്ഞില്ലെങ്കിലും ചുരുങ്ങിയത് ഒന്ന്
മനസ്സ് തുറന്ന് ചിരിക്കാൻ കഴിഞ്ഞാൽ നിങ്ങളുടെ കുടുംബ ജീവിതം “സോഡിയം ക്ലോറൈഡ്” പോലെയെന്നതിൽ ഇരുപക്ഷമില്ല.

– ബിനു വടക്കുംചേരി

ചെറുചിന്ത: SIN & SON

March 16, 2018 / Binu Vadakkencherry

“SIN” എന്ന പദത്തെ സൂക്ഷിച്ച് നോക്കു, അതിലെ ‘I’ നെഞ്ചു വിരിച്ച് ഞാൻ എന്ന ഭാവത്തോടെ തലയുയർത്തി നിൽക്കുകയാണ്. ഇത്തരത്തിലുള്ള “I’ കളെ നാം ‘SP” അഥവ സ്വയം പുകഴ്ത്തി എന്ന് വിളിക്കാറുണ്ട്. (SP എന്ന് പേരുള്ളവർ ക്ഷമിക്കുക.)

“നമ്മളെ കുറിച്ച് നമ്മൾ പറഞ്ഞില്ലെങ്കിൽ മറ്റുള്ളവർ എങ്ങനെ അറിയും എന്നാണ് ‘SP’മാരുടെ വാദം”.

ഞാൻ .. അത് ചെയ്തു, ഞാൻ ഇത് ചെയ്തു, ഞാൻ പറഞ്ഞില്ലെങ്കിൽ കാണാമായിരുന്നു. ഇങ്ങനെ ഞാൻ… ഞാൻ… അങ്ങനെ നീണ്ടു പോകുന്നു. ചിലർ ഞാൻ പറയുന്നത് മാത്രമാണ് ശരിയെന്ന് കരുതിയും, മറ്റുള്ളവരെ വാക്കുകൾകൊണ്ട് ചെളിവാരിയെറിഞ്ഞും തങ്ങൾ വലിയ സംഭവം എന്ന് വരുത്തിത്തീർക്കുന്നവരുടെ ഉന്നതഭാവം ചെറുതൊന്നുമല്ല. കുമിളപോലുള്ള ഈ ജീവിതത്തിൽ ഉന്നതഭാവം എത്രനാൾ? ഇത്തരക്കാരെ കാണുമ്പോൾ ഒരു വചനമാണ് ഓർമ്മ വരുന്നത്:

മനുഷ്യരുടെ നിഗളിച്ച കണ്ണു താഴും; പുരുഷന്മാരുടെ ഉന്നതഭാവം കുനിയും; യഹോവ മാത്രം അന്നാളിൽ ഉന്നതനായിരിക്കും. (യെശയ്യാവ് : 2.11, 2.17)

“SON” ഈ പദം ഒന്ന് ശ്രദ്ധിച്ചു നോക്കുക. ഇതിലെ “O’ മൗനമായി വിളിച്ച് പറയുന്നത് കേൾക്കുന്നുണ്ടോ..? – ഞാൻ ഒന്നുമല്ല, ഞാൻ വെറും ‘0’ (പൂജ്യം) ആണ്. ഇങ്ങനെ സ്വയം ഒന്നുമല്ല എന്ന് സൃഷ്ടാവാം ദൈവത്തിന്റെ മുന്നിൽ സമ്മതിക്കുന്നവൻ ദൈവത്തിന്റെ മകനായി (SON) മാറുന്നു. അവനെ ദൈവം കൂടുതൽ ശക്തികരിച്ചു ബലപ്പെടുത്തി തന്റെ മകനിലൂടെ വൻകാര്യങ്ങൾ ചെയ്തുകൊടുക്കും.

ജ്ഞാനികളെ ലജ്ജിപ്പിപ്പാൻ ദൈവം ലോകത്തിൽ ഭോഷത്വമായുതു തെരഞ്ഞെടുത്തു;ബലമുള്ളതിനെ ലജ്ജിപ്പിപ്പാൻ ദൈവം ലോകത്തിൽ ബലഹീനമായതിനെ തിരഞ്ഞെടുത്തു. ഉള്ളതിനെ ഇല്ലായ്മയാക്കുവാൻ ദൈവം ലോകത്തിൽ കുലീനവും നികൃഷ്ടമായതും ഏതുമില്ലാത്തതും തിരഞ്ഞ ടുത്തു. ദൈവസന്നിധിയിൽ ഒരു ജഡവും പ്രശംസിക്കാതിരിക്കേണ്ടതിനു തന്നെ (1 Cori 1:27).

മാനവരാശിയെ പാപത്തിൽ നിന്നും വീണ്ടെടുക്കുവാൻ, സ്വന്തം പുത്രനെ ആദരിക്കാതെ കൂശുമരണത്തോളം ഏൽപ്പിച്ചപ്പോൾ പാപമില്ലാത്ത പുത്രൻ പാപികൾക്കായി കുശിൽ പിടഞ്ഞപ്പോൾ കാണിൻ നാം ദൈവമക്കൾ എന്ന് വിളിക്കപ്പെടു വാൻ ദൈവം കാണിച്ച ആ സ്നേഹം അവർണ്ണനീയം.

വാൽക്കഷണം: താഴ്ന്ന നിലത്തിലൂടെ മാത്രമേ ജലം ഒഴുകുകയുള്ളൂ.

– ബി.വി